घरमा एक्लै बस्ने यी १२ वर्षीय साजन विक, जसको भिडियोले मुटु बिझाउँछ

काठमाडौँ । कान्छो छोरा सानो छँदै प्रेसरको रोगी भएका बाबु बिते। आमा विदेशमा छिन् । दुई दाजुहरु पनि विदेशमै छन् । एउटी दिदी सँगै थिइन् । उनी पनि बिहे गरेर पराई घर गइन् । अनि १२ वर्षका साजन बिक घरमा एक्लै भए । साजन नजिकैको स्कूलमा ५ कक्षामा पढ्छन् । उनी घरमा एक्लै बस्छन्। एक्लोपन नै उनको साथी भएको छ।

घर शुन्य छ । बोल्ने मान्छे कोही छैनन् । सुँगुरको पाठो र केही कुखुरा छन् उनी बाहेकका प्राणी। साजनलाई सबैभन्दा धेरै बुबाको माया लाग्थ्यो । बुबा कहिले नफर्किने बाटो लागे । बुबाको माया अब तस्बिर बनिसक्यो।

आमा र दुई दाजु विदेश गएपछि घरमा दिदीसँगै बस्थे । १४ वर्षकी दिदी पनि एकदिन उनलाई छोडेर हिँडिन् । त्यसपछि उनले आमाले विदेशबाट फर्किँदा ल्याएको टिभिलाई साथी बनाएका थिए। त्यो पनि बिग्रिएपछि यो घरमा उनी झनै एक्लिएका छन्। मनमा पीडा भएपनि हाँसेर बोल्ने यी परिपक्क बालकसँगको भिडियो।